Raah-e-zindgi

kuch umeendo ne udaan bhari hain...

kuch khwaish nazar me hai ab bhi..

ek safar pura hua...

ek kahi baaki ab bhi...

fir bhi khush hu main...

khush hai meri raah-e-zindgi....:) 

koi kahi chhup rha h andhero mein...

koi adaoo se roshan hai......

koi nazar kar rhi hain baatein...

kahi ashko se khushi milti hui....

kahi saadgi pasri,kahi sapne hazaaro hain...

seekhe koi hum se..... 

ki khud ko mita kar bhi jal rhi h shama yu haste haste...

Chupke Chupke..

Ki hain meri manzil yahi kahin..

mil rhe hein nishaan chupke chupke..

gamgeenio ko bhula meri raat chali h..

khushnuma ho rahi har baat chupke chupke..

Kabhi..

Khwahishen kuch aisi badal jati hein

Khilkhilati hui kyu saham jaati hein

Kabhi aarzoo dil aasma ki krta hai

Kabhi tamannaye ek tazurbe me thehar jaati hein......

Mera kya hai..

Is haq jatati duniya ko mera shukriya hai

fir sochti hu ki in safedposho ki mehfil me aakhir mera kya hai....

Khuddar,Khushmizaaz naadan hu main

par tum se na anjaan hu main...

lab khaamosh sahi par beawaaz nahi

khwaab dhundhle sahi par marhoom nahi...

har jazbaat me ghulti meri haya hai

fir puchti hu khud se ki aakhir mera kya hai...

Kya sochu kya baat karu

jhoothi hasi se sabko aabad karu

har khayalaat par kisi na kisi ka nisha hai..

fir puchti hu khud se ki aakhir mera kya hai...

Chali aayi hu door talak gair manzilo ki chah me

raste mile ,nazar fir be dhoondti naya jaha hai

sb kuch to hai..kyu lagta har safar mera naya hai

fir puchti hu khud se ki aakhir mera kya hai...

Parindo ne chaha mujhe,dosto ne thama

muqaddar ne aazmaya mujhe,tanhaaiyo ne sawara

meri hasti har tabdeeliyon ki gawah hai

fir puchti hu khud se ki aakhir mera kya hai...

Na samjha mujhe,Na aietbaar hi kiya

mere aaine ko todkar logo ne deedar hi kiya

Umr dr umr mila har zakhm mera hara hai..

fir puchti hu khud se ki in safedposho ki mehfil me aakhir mera kya hai....mera kya hai....

intzaar..

Unhe mere pyaar pe shaq tha

Main samjhti rahi un par mera haq tha...

Dooriyaan thi, khaamosh thi zubaan

Magar aankho ko unka intzaar beshaq tha....

Jane wo kaunsa kal hai..

Jane wo kaun sa 'kal' hai, jiski soch se mera 'aaj' bedakhal hai

Kyu dayre me simat ti har hulchul hai

Kyu sawal-dar-sawal hota koi qatal hai

Kyu umeed leti saans pal-pal hai

Jane wo kaun sa 'kal' hai, jiski soch me hum aajkal hai....